Չեմպիոնշիպի վեց ակումբից ութ ներկայացուցչի մոտ կորոնավիրուս են հայտնաբերել
Անգլիական Չեմպիոնշիպը ներկայացնող 24 ակումբի ֆուտբոլիստների ու աշխատակիցների շրջանում անցկացրած 2213 թեստավորման արդյունքում ի հայտ են բերել կորոնավիրուսով վարակված ևս 8 հոգու: Այս մասին հայտնել են լիգայի ներկայացուցիչները՝ հավելելով՝ նրանք վեց ակումբից են:
Նշենք, որ Չեմպիոնշիպը ներկայացնող «Բրենտֆորդից» հաստատել են, որ ակումբի ներկայացուցիչներից մեկը վարակվել է կորոնավիրուսով, սակայն անուն չեն նշել: Բոլոր նրանք, որոնց թեստը տվել է դրական արդյունք, պետք է ինքնամեկուսանան: Լիգայի ներկայացուցիչները հայտնել են նաև, որ ևս չորս վարակակիր են ի հայտ բերել Առաջին լիգան ներկայացնող ակումբների խաղացողների ու ներկայացուցիչների շրջանում անցկացրած թեստավորման արդյունքում: Հիշեցնենք, որ Չեմպիոնշիպը կվերսկսվի գալիք հանգստյան օրերին:
