Որոտանի մերձակա գյուղի տան հարցն ու Սյունիքի մարզպետարանի հայտարարությունը

Սյունիքի մարզպետարանի մամուլի ծառայությունից Որոտան գյուղի մերձակայքում գտնվող մեկ շինության՝ ադրբեջանական կողմին անցնելու տեղեկության վերաբերյալ պարզաբանում է ներկայացրել:

«Հայտնում ենք, որ տարածքը, որտեղ այն կառուցված է, ներկա փուլում զինված ուժերի մարտական հենակետերի համաձայնեցված տեղակայման գործընթացում հայտնվել է վիճարկելի տարածքում: Ներկայումս այդ տարածքում տեղակայված են ռուս սահմանապահներ»,- նշված է մարզպետարանի պարզաբանման մեջ:

Ավելի վաղ Mediaport տելեգրամ ալիքը տեսանյութ էր հրապարակել ու տեղեկություն տարածել, որ թշնամին ներխուժել է Սյունիքի մարզի Որոտան համայնքի մերձակա գյուղ, սյունեցիներին դուրս է արել իրենց տնից՝ հայտարարելով, որ այդ տարածքներն անցնում են Ադրբեջանին:

Միացեք «Հինգշաբթի» անկախ լրատվական հարթակի տելեգրամի ալիքին  https://t.me/hingshabti