Խաղաղապահի դասեր՝ Ստեփանակերտի դպրոցներից մեկում

Խաղաղապահի դասեր՝ Ստեփանակերտի դպրոցներից մեկում

ՌԴ պաշտպանության նախարարությունիցԼ հայտնում են, որ Լեռնային Ղարաբաղում Հումանիտար ականազերծման ռուսական կենտրոնի զինծառայողները Ստեփանակերտի հանրակրթական դպրոցներից մեկում անվտանգության միջոցառումների վերաբերյալ դասընթաց են անցկացրել:

Խաղաղապահները դպրոցականներին պատմել են ռուսական խաղաղապահ ուժերի ստորաբաժանումների խաղաղապահ գործունեության առանձնահատկությունների և նրբությունների մասին: Բացի այդ, ռուս խաղաղապահներն աշակերտների հետ պարապմունք են անցկացրել պայթյունավտանգ առարկաների հայտնաբերման դեպքում անվտանգության պահանջներին հետևելու ուղղությամբ: Դպրոցականներին պատմել են պայթուցիկ սարքերի դասակարգման և պայթյունավտանգ առարկաների հայտնաբերման գործողությունների մասին: Մասնագետները նաև ցույց են տվել առաջին բուժօգնության կանոնները:

Ականազերծման կենտրոնի զինծառայողները ցուցադրել են ռուս զինծառայողների հանդերձանքի նմուշներ, ինչպես նաև ական որոնող և այլ սարքեր: Պարապմունքներին, ընդհանուր առմամբ, մասնակցել է միջին և ավագ դասարանների ավելի քան 80 աշակերտ, ուսուցիչ և դպրոցականների ծնողներ:

Միացեք «Հինգշաբթի» անկախ լրատվական հարթակի տելեգրամի ալիքին 👉 https://t.me/hingshabti

wp-apeth