Ռուս փրկարարները շարունակում են ականազերծել Արցախի տարածքները

2020 թվականի նոյեմբերի 16-ից Արցախի հանրապետությունում են Ռուսաստանի դաշնության քաղաքացիական պաշտպանության, արտակարգ իրավիճակների եւ տարերային աղետների հետեւանքների վերացման նախարարության փրկարարները՝ խաղաղ բնակավայրերում ծավալվող շինարարության եւ ենթակառուցվածքների վերականգնմանն ուղղված ծրագրերում օգնելու նպատակով: Սակրավոր-փրկարարները Արցախում են դեկտեմբերի 8-ից:

2021 թվականի հունվարի 21-ի դրությամբ, նախարարության «Լիդեր» կենտրոնի մասնագետները Արցախի Ասկերանի շրջանում ականազերծել են 65 հեկտար տարածք, հայտնաբերել ավելի քան 13 500 պայթյունավտանգ առարկա՝ նռնակներ, ականներ, հրթիռներ, տարբեր զինամթերքի բեկորներ, փամփուշտներ:

Սրան զուգահեռ, ռուս փրկարարները դպրոցներում անվտանգության դասեր են կազմակերպում, որոնց ընթացքում աշակերտներին են ներկայացնում վնասազերծված առարկաները, դրանք տեսնելիս անվտանգ վարքականոնը, մետաղաորսիչ սարքով աշխատելու ձեւերը եւ այլն:

Միացեք «Հինգշաբթի» անկախ լրատվական հարթակի տելեգրամի ալիքին  https://t.me/hingshabti