Առինջ գյուղում տեղի է ունեցել ՃՏՊ․ կա արգելափակված քաղաքացի

Հունվարի 18-ին, ժամը 07։53-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Առինջ գյուղում տեղի է ունեցել ՃՏՊ․ կա արգելափակված քաղաքացի։

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Աշխաբաթի փողոցում՝ «Հատիսի լանջին» հյուրանոցային համալիրի մոտակայքում, բախվել են թիվ 58 երթուղին սպասարկող «Hyundai» մակնիշի ավտոբուսը (վարորդ՝ Տ․ Ա․) և «ԶԻԼ» մակնիշի բեռնատարը (վարորդ՝ Ա․ Վ․, ծնված 1995 թ․)։

Փրկարարներն ավտոբուսից դուրս են բերել ուղևոր Ա․ Ն․-ին (ծնված 1970 թ․), ում շտապօգնության աշխատակիցները տեղում ցուցաբերել են համապատասխան բուժօգնություն։

Միացեք «Հինգշաբթի» անկախ լրատվական հարթակի տելեգրամի ալիքին  https://t.me/hingshabti