Ադրբեջանցիները 30 զինծառայողների աճյուն են փոխանցել հայկական կողմին

Ադրբեջանցիները 30 զինծառայողների աճյուն են փոխանցել հայկական կողմին

Արցախի արտակարգ իրավիճակների պետական ծառայության փրկարարական ջոկատները հունվարի 23-ին որոնողական աշխատանքներ են իրականացրել Վարանդայի/Ֆիզուլի, Քաշաթաղի հարավային թևում և Մատաղիսի շրջաններում: Աշխատանքների արդյունքում վերադարձվել է ևս 30 զինծառայողի աճյուն, որոնք ադրբեջանական կողմն է փոխանցել հայկական կողմին՝ չնշելով նրանց գտնվելու վայրը: Այս մասին հայտնում են ԱՀ Արտակարգ իրավիճակների պետական ծառայությունից:

 «Մարմիններն անճանաչելի են: Նշանակվել է դատաբժշկական փորձաքննություն նրանց ինքնությունը պարզելու նպատակով:

«2021 թվականի նախորդ օրերի համեմատ, երեկ ամենաշատ աճյուններն են հայտնաբերվել: Որոնողական աշխատանքներին մասնակցում են նաև զոհված կամ անհայտ կորած զինծառայողների հարազատները, ինչպես նաև ռազմագործողություններին մասնակցած կամ տարածքին ծանոթ ուղեկցող-կամավորները:

Նշենք, որ 2020 թվականի նոյեմբերի 13-ից մինչև 2021 թվականի հունվարի 23-ը հայտնաբերվել է 1281 աճյուն:

Փրկարար-որոնողական աշխատանքներն այսօր շարունակվում են Ջրականի/Ջաբրայիլ/Վարանդայի/Ֆիզուլի/ և Հադրութի շրջաններում»,- ասվում է հաղորդագրության մեջ:

Միացեք «Հինգշաբթի» անկախ լրատվական հարթակի տելեգրամի ալիքին 👉 https://t.me/hingshabti

wp-apeth