Գյումրու «Հայասան» չեմպիոն, «Գյումրին»՝ բրոնզե մեդալակիր
Գյումրին ներկայացնող «Հայասա» թիմը, եզրափակչում 3:0 հաշվով առավելության հասնելով «Ալաշկերտ-աղջիկներ-1» թիմի նկատմամբ, դարձավ կանանց ֆուտզալի բաց առաջնության 15 տ. բարձր խմբի հաղթող:
Հաղթող թիմի կազմում «դուբլի» հեղինակ դարձավ թիմի ավագ, կանանց Հայաստանի ազգային հավաքականի ֆուտբոլիստ Աննա Դալլաքյանը, ևս մեկ գոլ հեղինակեց Սաթենիկ Հովհաննիսյանը:
Եզրափակչից առաջ՝ երրորդ տեղի համար խաղում, «Գյումրին» առավելության էր հասել «Մարտունիի» նկատմամբ:
«Մարտունի» թիմի ֆուտբոլիստուհի Արմենուհի Դավթյանը՝ խփած 22 գոլով դարձավ մրցաշարի ռմբարկու։ Եզրափակիչ հանդիպման ավարտից հետո կայացավ մրցանակակիրների պարգևատրման արարողությունը:
Միացեք «Հինգշաբթի» անկախ լրատվական հարթակի տելեգրամի ալիքին https://t.me/hingshabti