Արփա գետից դուրս է բերվել 7 ինքնաշեն ցանց (Էկրան), իսկ Կեչուտի ջրամբարից՝ 3 դնովի ձկնորսական ցանց

ՀՀ բնապահպանության և ընդերքի տեսչական մարմնից հայտնում են, որ  օրերս կառույցի Վայոց ձորի տարածքային բաժնի աշխատակիցների կողմից իրականացված հերթական շրջայցերի ընթացքում հայտնաբերվել և Արփա գետից դուրս է բերվել 7 ինքնաշեն ցանց (Էկրան), իսկ Կեչուտի ջրամբարից՝ 3 դնովի ձկնորսական ցանց։ Արգելված միջոցներն օրենքով սահմանված կարգով տեղում ոչնչացվել են։