Մխիթարյանը չի հասկացել, թե ինչու չի հրավիրվել հավաքական

Մխիթարյանը չի հասկացել, թե ինչու չի հրավիրվել հավաքական

Ժամեր առաջ Հայաստանի ազգային հավաքականի գլխավոր մարզիչ Խոակին Կապառոսը հրապարակեց այն ֆուտբոլիստների անունները, որոնք նախապատրաստվելու են Խորվաթիայի ու Շվեդիայի հետ ընկերական խաղերին: Իսպանացին հրավիրել է 23 ֆուտբոլիստ, հինգը նորեկ են: Ցուցակում չէր Հռոմի «Ռոմայի» ու ազգային ընտրանու ավագ Հենրիխ Մխիթարյանը: Ֆուտբոլիստը ֆեյսբուքի իր էջում գրել է, որ անհասկանալի պատճառներով չի հրավիրվել հավաքական:

«Ի զարմանս ինձ, տեղեկացա Հայաստանի հավաքականի մարզչական շտաբից, որ  անհասկանալի պատճառներով չեմ հրավիրվել հավաքական կայանալիք միջազգային հանդիպումների համար: Ներկայացված պաշտոնական հիմնավորումները համոզիչ չեն ինձ համար: Այնուամենայնիվ, ես տղաների կողքին եմ ու հաջողություն եմ մաղթում նրանց առաջիկա խաղերում»,- գրել է Մխիթարյանը:

Կապառոսը, մեկնաբանելով ֆուտբոլիստների ընտրությունն, ասել էր, որ հիմնական կազմի մի շարք ֆուտբոլիստներ այս անգամ բացակայում են ցուցակից:

«Մենք շատ լավ ենք ճանաչում այդ ֆուտբոլիստներին, մեծ հույսեր ենք կապում նրանց հետ և շատ կարևորում նրանց դերը, սակայն այս անգամ որոշել ենք հանգստի հնարավորություն տալ նրանց և գործի մեջ տեսնել մի քանի երիտասարդների»,- ասել էր իսպանացին:

wp-apeth