Հիմնանորոգվում են Շիրակի մարզի մի շարք ներհամայնքային ճանապարհներ

Հիմնանորոգվում են Շիրակի մարզի մի շարք ներհամայնքային ճանապարհներ

Շիրակի մարզի մի շարք ներհամայնքային ճանապարհներ հիմնանորոգվում են. 2021 թվականին իրականացվող ճանապարահաշինական աշխատանքների բյուջեն կազմում է մոտ 25 մլրդ դրամ: Մարզպետարանի քաղաքաշինության վարչությունից հայտնել են, որ գումարի շրջանակում կհիմնանորոգվեն նաև  Գյումրիի  ճանապարհները: Մարզի միջպետական ու մասամբ հանրապետական նշանակության ճանապարհները համեմատաբար բարվոք, իսկ համայնքային ու մարզային նշանակության ճանապարհները (շուրջ 241,2 կմ) վատ վիճակում են: Այս տարի իրականացվելու են 270,22 կմ երկարությամբ ձմեռային պահպանման և 104,2 կմ երկարությամբ ընթացիկ պահպանման և շահագործման աշխատանքներ: Այդ թվում Երևան-Գյումրի-Վրաստանի սահման միջպետական նշանակության ավտոմոբիլային ճանապարհը, Մարմաշեն վանական համալիր տանող և այլ ճանապարհներ: Այս տարի կհիմնանորոգվեն նաև մի շարք մարզային, տեղական նշանակության ճանապարհներ: Հիմնանորոգման աշխատանքներ կսկսվեն Վարդաքար-Աշոցք, Աշոցք-Ամասիա, Արեգնադեմի, ինչպես նաև Արթիկ-Պեմզաշեն և Անուշավան-Փանիկ ճանապարհները:

Կան նաև ճանապարհներ, որոնք կհիմնանորոգվեն ֆինանսների առկայության դեպքում: «Գյումրի-Հացիկ, Վարդաքար-Այգաբաց և Նոր Կյանք-Փանիկ-Փոքր Մանթաշ ճանապարհների հիմնանորոգման հնարավորությունը քննարկվում է: Այս ճանապարհները անցած տարի, ելնելով ֆինանսական սղությունից, դուրս էին մնացել ծրագրերից, բայց նորից այդ հարցը քննարկվում է»,- Շիրակի մարզպետարանի քաղաքաշինության վարչության պետ Ալբերտ Մարգարյանի խոսքերը մեջբերել է «Արմենպրեսը»:

wp-apeth