Լեռնային Ղարաբաղում առաջին անգամ բարձրացվեց Ռուսաստանի 50 մետրանոց դրոշը
Առաջին անգամ ռուս զինծառայողները Լեռնային Ղարաբաղի խաղաղապահ զորախմբի կազմում մասնակցեցին Ռուսաստանի Դաշնության պետական դրոշի օրվա հանդիսավոր տոնակատարությանը: Այս մասին հայտնում է ՌԴ ՊՆ մամուլի ծառայությունը: Միջոցառումը սկսվեց ՌԴ օրհներգի ներքո Ռուսաստանի պետական դրոշի բարձրացմամբ:
«Օգոստոսի 22 -ին մենք նշում ենք մեր երկրի պետական դրոշի օրը: Այս տոնը կոչված է միավորել եւ համախմբում բոլոր նրանց, ովքեր նվիրված են իրենց հայրենիքին, ովքեր սրբորեն գնահատում են իրենց երկիրը, իրենց ժողովրդի պատմությունը»,- անձնակազմին դիմեց Ռուսաստանի խաղաղապահ զորախմբի հրամանատարի տեղակալ, գեներալ-մայոր Օլեգ Եգորովը:
«Թույլ տվեք շնորհավորել ձեզ համառուսաստանյան տոնի` Ռուսաստանի պետական դրոշի օրվա կապակցությամբ: Այս դրոշի ներքո մեր ժողովրդի բազմաթիվ սերունդներ իրականացրել եւ շարունակում են նշանակալի իրադարձություններ իրականացնել»,- ասաց «Մենք միասնական ենք» նախագծի ղեկավար Արմեն Գուլնազարովը:
«Այսօր Լեռնային Ղարաբաղի պատմության մեջ առաջին անգամ խաղաղապահ զորակազմի մշտական տեղակայման կետի տարածքում տոնական կազմավորում անցկացվեց` նվիրված Ռուսաստանի դրոշի օրվա մեծ տոնին, «Մենք միասնական ենք» միության կամավորների հետ միասին Ռուսաստանի Դաշնությունից բերվել է Ռուսաստանի Դաշնության 50 մետրանոց, 5 մետր լայնությամբ դրոշը: Այն ցուցադրվեց ամբողջ անձնակազմին, ընթերցվեց տոնական հրամանը, բոլոր զինծառայողները խրախուսվեցին, այդ թվում` համեղ նվերներով, կարկանդակներով, քաղցրաբլիթներով»,- ասաց Եգորովը:
Միջոցառումն ավարտվեց Ռուսաստանի Դաշնության 50 մետրանոց դրոշի ցուցադրմամբ եւ ռազմահայրենասիրական երգերի կատարմամբ հանդիսավոր երթով:
