Պայթյուն Փոքր Մանթաշ գյուղում

Պայթյուն Փոքր Մանթաշ գյուղում

Ապրիլի 26-ին, ժամը 17։58-ին Շիրակի մարզային ճգնաժամային կառավարման կենտրոն ահազանգ է ստացվել, որ Փոքր Մանթաշ գյուղի տներից մեկում տեղի է ունեցել գազի արտահոսք, որին հաջորդել է պայթյուն․ կա տուժած։ Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Պարզվել է, որ Փոքր Մանթաշ գյուղի 6-րդ փողոցի 2-րդ փակուղու տներից մեկում տեղի է ունեցել 20 կգ-անոց գազի բալոնի պայթյուն, ինչի հետևանքով փլուզվել են տան ամառային խոհանոցի, ավտոտնակի պատերից՝ մոտ 35 քմ և բետոնե ծածկից՝ մոտ 25 քմ․ առկա է խոհանոցի տանիքի փլուզման վտանգ։ Մինչ փրկարարների կանչի վայր հասնելը՝ տուժած Լ․ Հ․-ն (ծնված 1950 թ․) տեղի ուժերով դուրս է բերվել և տեղափոխվել Գյումրի քաղաքի ԲԿ, որտեղ բժիշկները նրա առողջական վիճակը գնահատել են ծանր։ Փրկարարները իրականացրել են խոհանոցի տանիքի ամրացման աշխատանքներ։

wp-apeth