Կայացել է Հայաստանի պաուերլիֆտինգի պատանիների առաջնությունը
Գավառում կայացել է Հայաստանի պաուերլիֆտինգի (ուժային եռամարտ) պատանիների առաջնությունը՝ ձգում վարժությունից, որին մասնակցել է հանրապետության մարզերի 17 թիմերի 160 մարզիկ, այդ թվում՝ զորակոչային տարիքի 34 պատանի:
Հայաստանի պաուերլիֆտինգի ֆեդերացիայի նախագահ Գագիկ Սարոյանի խոսքով՝ առաջնության անցկացման առաջնահերթ նպատակն էր բարձրացնել զորակոչային տարիքի պատանիների մարտական ոգին: Գ. Սարոյանը նշել է նաև, որ մրցաշարն անցել է համառ պայքարում, գրանցվել են տպավորիչ ցուցանիշներ. մասնավորապես, 44 կգ քաշային կարգում Վահե Բուդաղյանը (Հայրավանք) 110 կգ արդյունքով Հայաստանի ռեկորդ է սահմանել:
Ըստ քաշային կարգերի չեմպիոն են դարձել՝
- 30 կգ — Գարիկ Վարդանյան (70 կգ արդյունք),
- 36 կգ — Խաչիկ Թադևոսյան (90 կգ),
- 40 կգ — Վանո Բուդաղյան (80 կգ),
- 44 կգ — Վահե Բուդաղյան (110 կգ),
- 48 կգ — Արսեն Ադիբեկյան (115 կգ),
- 52 կգ — Վահան Բուդաղյան (140 կգ),
- 56 կգ — Ջիվան Հովհաննիսյան (140 կգ),
- 60 կգ — Արման Մրտեյան (170 կգ),
- 67.5 կգ — Ալբերտ Դադիկյան (190 կգ),
- 75 կգ — Արշակ Հայրապետյան (197 կգ),
- 82.5 կգ — Նարեկ Հակոբյան (215 կգ),
- 90 կգ — Նարեկ Լազարյան (180 կգ),
- 100 կգ — Կարեն Բարսեղյան (210 կգ),
- 110 կգ — Արսեն Սևոյան (205 կգ),
- 125 կգ — Ռաֆայել Գրիգորյան (175 կգ):
Թիմային հաշվարկում առաջին հորիզոնականը զբաղեցրել է Հայրավանք համայնքի թիմը, երկրորդ տեղում Մարտունու թիմն է, իսկ լավագույն եռյակը եզրափակել է Գավառը: Այս առաջնությամբ Հայաստանի պաուերլիֆտինգի ֆեդերացիան ավարտել է 2020 թվականի աշխատանքները: Տարեսկզբից մարզիկները պատրաստվելու են Լեհաստանում մարտին կայանալիք աշխարհի առաջնությանը:
Միացեք «Հինգշաբթի» անկախ լրատվական հարթակի տելեգրամի ալիքին https://t.me/hingshabti